ASAN İmza

1. Abunəçi, Asan İmza xidmətinin göstərilməsi üçün (xidmət növündən asılı olaraq) tariflər, ödənişlər, xidmətlə bağlı ediləcək dəyişikliklər və şərtlər barədə müvafiq məlumatı “Azerfon”-un rəsmi internet səhifəsindən (www.nar.az) əldə edə bilər.

2. Hazırkı Qaydalar əsasında Asan İmza xidmətinin göstərilməsini təmin etmək üçün Abunəçiyə Asan İmza SIM kartı təqdim olunur.

3. Abunəçiyə təqdim olunan Asan İmza SIM kartına yüklənilmiş Asan İmza proqramı və Asan İmza PIN kodları vasitəsilə abunəçinin fiziki imzasının elektron imza ilə əvəz edilməsi imkanını təmin edir.

4. Asan İmza xidməti vasitəsilə Abunəçi müxtəlif elektron xidmət sahələrinə aid olan müqavilə, forma, akt və digər elektron sənədləri elektron imza ilə imzalaya bilər.

5. Hazırkı Qaydalar ilə təsdiq olunur ki, Abunəçi təqdim olunan Asan İmza xidmətinin Qaydaları, həmçinin ödəniş haqqı ilə tanışdır və aşağıda qeyd olunanlar barədə məlumatlıdır:

5.1 Asan İmza xidmətinə qoşulan nömrə ilə məlumat mübadiləsi SMS xidmət çərçivəsində təmin ediləcək;

5.2 Abunəçi Asan İmza xidmətinə qoşulmaq üçün “Azerfon”-un Satış və Xidmət mərkəzlərinə müraciət edib, müvafiq ödənişi həyata keçirərək 3 (üç) ildən çox olmayan müddət üçün Asan İmza mobil elektron imza xidmətini əldə edə bilər. Nar operatoruna Asan İmza xidmətinin növünə uyğun olaraq qoşulma haqqının ödənişindən sonra Azərbaycan Respublikasının İqtisadiyyat Nazirliyinin Dövlət Vergi Xidmətinin Asan Sertifikat Xidmətləri Mərkəzi tərəfindən Abunəçiyə müvafiq sertifikatların verilməməsinə görə məsuliyyət daşımır.

5.3 Abunəçi Asan İmza xidmətinin göstərilməsinin dayandırılması üçün Nar Müştəri Xidmətləri ofislərinə müraciət etməlidir. Abunəçi hüquqi şəxs olduqda yazılı formada edilən müraciət kurator və ya xidmət qrupuna təqdim olunmalıdır.

5.4 Abunəçi Asan İmza xidmətinə yalnız nömrə üzrə borcu olmayan və telekommunikasiya xətti ikitərəfli açıq olan nömrə ilə qoşula bilər.

5.5 Azərbaycan Respublikasının İqtisadiyyat Nazirliyinin Dövlət Vergi Xidmətinin Asan Sertifikat Xidmətləri Mərkəzi ilə Abunəçi arasında imzalanan müqavilədə qeyd olunan hallarda, bu xidmət vaxtından əvvəl dayandırıla bilər. Bu kimi hallar Abunəçi ilə Dövlət Vergi Xidmətinin Asan Sertifikat Xidmətləri Mərkəzi arasında bağlanılmış müqavilə ilə tənzimlənir. Nar operatoru belə hallarda Abunəçi qarşısında heç bir məsuliyyət daşımır və Abunəçinin bütün iddia və tələblərini Azərbaycan Respublikasının İqtisadiyyat Nazirliyinin Dövlət Vergi Xidmətinin Asan Sertifikat Xidmətləri Mərkəzinə ünvanlamalıdır.

5.6 Asan İmza xidmətinə qoşulan nömrə üzrə müvafiq Abunə Müqaviləsinin şərtlərinə uyğun olaraq xidmətlərin göstərilməsi dayandırıldıqda, avtomatik olaraq həmin nömrədə Asan İmza xidmətindən istifadə dayandırılır və bununla bağlı Abunəçiyə bildiriş göndərilir. Nömrədə Asan İmza xidmətinin göstərilməsinin bərpa edilməsi müvafiq Abunə müqaviləsində nəzərdə tutulan qaydada həyata keçirilir.

5.7 Abunəçi Asan İmza xidmətinin xüsusiyyətləri və tarifləri barədə məlumatlı olduğunu təsdiq edir. Abunəçi rouminqdə olarkən Asan İmza xidmətindən istifadə edə bilər. Bu zaman Asan İmza xidmətinin göstərilməsinə görə xidmət haqqının tutulması rouminq tarifləri çərçivəsində həyata keçiriləcək.

5.8 Nömrədə Asan İmza xidmətindən hər hansı səbəbdən üçüncü şəxslərin (nömrənin və ya cihazın oğurlanması və ya itirilməsi daxil olmaqla) istifadəsinə görə Abunəçi məsuliyyət daşıyır. Belə istifadənin qarşısını almaq üçün Abunəçi dərhal “195” Çağrı Mərkəzinə zəng etməli və ya Dövlət Vergi Xidmətinin Asan Sertifikat Xidmətləri Mərkəzinə və ya Nar Müştəri Xidmətləri ofislərinə müraciət etməlidir.

5.9 Nömrə addan ada keçirildiyi halda, Asan İmza SİM kartı dəyişdirilməlidir.

5.10 Dövlət Vergi Xidmətinin Asan Sertifikat Xidmətləri Mərkəzi tərəfindən Abunəçiyə müvafiq sertifikatın verilməsindən imtina edildikdə, abunəçi “Azerfon”-dan Asan İmza SIM kartını əldə etdiyi gündən etibarən 2 (iki) həftə ərzində Asan İmza xidmətinə qoşulmaq üçün əvvəlcədən ödədiyi məbləği geri ala bilər. Əks halda, habelə Nömrədə aktivləşdirilmiş Asan İmza xidmətindən istifadə olunmadıqda, Asan İmza xidmətinə qoşulmaq üçün ödənilən müvafiq xidmət haqqı geri qaytarılmır.

5.11 İmzalanmış Abunə müqaviləsi çərçivəsində əldə olunmuş məhsullara, xidmətlərə hazırki qaydalardan irəli gələn tələblər tətbiq edilir.

5.12 Abunə Müqaviləsinin bütün digər şərtləri dəyişdirilmədən qüvvədə qalır.

5.13 Qaydalar www.nar.az və www.asanimza.az və ya digər kütləvi iformasiya vasitələrində dərc edildiyi gündən qüvvəyə minir.

Bu xidmətdən “Asan İmza” SİM kartını istifadə edən və həmin SİM kartda “Asan İmza” xidmətinin etibarlılıq müddəti bitən abunəçilər yararlana bilərlər.

Qeyd: Abunəçi “Asan İmza” xidmətinin istifadəçisi olduqda, həmin xidmətin etibarlılıq müddəti bitmədikdə və istifadəçi yararlandığı “Asan İmza” xidmətinin tipi və istifadə müddətinin bitməsilə bağlı məlumat almaq istədikdə “8500” qısa nömrəsinə “status” açar sözündən ibarət SMS göndərməlidir. 

SMS vasitəsilə xidmətin etibarlılıq müddətini uzatmaq üçün istifadəçi aşağıdakı addımları yerinə yetirməlidir:

1. Hansı xidmət tipindən istifadə edəcəyini qərarlaşdırmalıdır (“Vətəndaş”, “Biznes” və ya “Dövlət”).

2. Hər xidmət tipi üçün nəzərdə tutulan xidmət haqqı ilə tanış olmalı və “Asan İmza”nın lazım olan tipinin aktivləşdirilməsi üçün balansında müvafiq məbləğin olub-olmamasını yoxlamalıdır.

3. “Asan İmza” xidmətinin müddətinin uzadılması üçün “8500” qısa nömrəsinə aşağıdakı açar sözlərdən biri ilə SMS göndərməlidir:

“Vətəndaş” tipli xidmətin uzadılması üçün: ferdi

“Biznes” tipli xidmətin uzadılması üçün: biznes

“Dövlət” tipli xidmətin uzadılması üçün: dovlet

Asan İmza tipindən asılı olaraq xidmət haqqları aşağıdakı kimidir:

“Vətəndaş” tipli Asan İmza xidməti odənişsizdir (aylıq abunə haqqı – 0 AZN).

“Biznes” tipli Asan İmza xidməti -18 AZN (aylıq abunə haqqı – 2.5 AZN).

“Dövlət” tipli Asan İmza xidməti- 16 AZN (aylıq abunə haqqı – 0 AZN).

Qeydlər:

Hər hansı səbəbdən müvafiq açar sözünün düzgün seçilməməsinə, o cümlədən hər hansı səbəbdən 3-cü şəxslərin (nömrənin və ya cihazın oğurlanması və ya itirilməsi halları da daxil olmaqla) istifadəsinə görə abunəçi məsuliyyət daşıyır. Göstərilənlərlə bağlı NAR mobil operatoru cavabdehlik daşımır.

Asan İmza xidmətinə ilk dəfə qoşulmaq üçün Müştəri Xidmətləri ofislərinə müraciət etmədən, SMS xidmətindən istifadə etmək ilə Asan İmza xidmətini aktiv etmək mümkün olmayacaq.

Abunəçi Asan İmza xidmətinə ilk dəfə qoşulmaq üçün Müştəri Xidmətləri ofislərinin təmsilçilərinə müraciət edərək, tələb olunan ödənişi həyata keçirməklə müvafiq xidmətə 3 (üç) il müddətinə qoşula bilər. 3 (üç) illik müddət bitdikdən sonra abunəçi “Asan İmza” xidməti dəstəkləyən nömrədən aidiyyatı qısa nömrəyə seçilmiş açar sözünü göndərmək ilə xidmətdən istifadə müddətini növbəti 3 il müddətinə uzadılmasını təmin edə bilər. NAR mobil operatoruna müvafiq ödəniş həyata keçdikdən sonra Azərbaycan Respublikasının İqtisadiyyat Nazirliyinin Dövlət Vergi Xidmətinin Asan Sertifikat Xidmətləri Mərkəzi tərəfindən Abunəçiyə müvafiq sertifikat verilməlidir, müvafiq sertifikatın verilməməsinə görə Nar mobil operatoru məsuliyyət daşımır.

Hər hansı səbəbdən Asan İmza xidmətini ləğv etmiş (o cümlədən müvafiq nömrə ilə bağlı münasibətlərə xitam verilmiş, nömrənin təkrar həmin və ya başqa abunəçinin istifadəsinə verilməsi halları da daxil olmaq ilə) abunəçilərə, SMS xidmətindən istifadə etmək ilə Asan İmza xidmətini növbəti müddətə aktiv etmək mümkün olmayacaq.

Nəzərinizə çatdıraq ki, xidmətin  SMS vasitəsilə uzadılması kifayət etmir, istifadəçilərdən eyni zamanda vergi ödəyicisinin www.e-taxes.gov.az vahid İnternet portalında onlayn şəkildə “Asan İmza” sertifikatlarının istifadə müddətinin bitməsinə son 30 gün ərzində “Asan İmza” sertifikatlarını növbəti 3 il müddətinə uzatmaq tələb olunur. “Asan İmza” sertifikatının etibarlılıq müddəti bitdikdən sonra onun onlayn rejimdə uzadılması mümkün olmayacaq və istifadəçi sertifikatı yeniləmək üçün Azərbaycan Respublikasının İqtisadiyyat Nazirliyi yanında Dövlət Vergi Xidməti nəzdində Asan Sertifikat Xidmətləri Mərkəzinə (ASXM) fiziki olaraq müraciət etməli olacaqdır.“Asan İmza” sertifikatlarının müddətinin onlayn qaydada uzadılması üzrə “İstifadəçi Təlimatı” ilə https://asanimza.az/asan-imza-az/2020/asan-imza-sertifikatlarinin-onlayn-uzadilmasi/  linki vasitəsilə tanış ola bilərsiniz.