Ölkənin ən gənc mobil operatoru “Nar”, Yeni il ərəfəsində səfərə çıxan abunəçiləri üçün sərfəli rouminq paketləri təqdim edir. Müxtəlif ehtiyaclara uyğun şəkildə yaradılmış rouminq paketləri abunəçilərə Türkiyə, Gürcüstan, Rusiya, Birləşmiş Ərəb Əmirlikləri kimi populyar istiqamətlər də daxil olmaqla, 45 ölkədə öz yaxınları ilə daima ünsiyyətdə qalmaq imkanı verir.

Səyahət zamanı rahat ünsiyyətdən yararlanmaq üçün abunəçilər ehtiyaclarına uyğun olaraq 4 rouminq paketindən birini seçə bilərlər. “Roaming 9” paketi abunəçilərə 500 MB internet, “Roaming 15” paketi 500 MB internet və 50 dəqiqə səsli zəng,  “Roaming 18” paketi 1 GB internet,  “Roaming 28” paketi isə 1 GB internet və 100 dəqiqə səsli zəng xidməti təklif edir.  Xüsusilə qeyd etmək lazımdır ki,  “Roaming 18” və “Roaming 28” paketlərində “WhatsApp” yazışmaları tamamilə pulsuzdur, yəni bu trafik rouminq internet paketindən çıxılmır.

Qeyd edək ki, 2019-cu ilin yanvar-noyabr aylarında ötən ilin eyni dövrü ilə müqayisədə rouminq xidmətlərindən yararlanan “Nar” abunəçilərinin sayı 25%, rouminqdə istifadə olunan internet trafikinin həcmi isə 68% artıb. Ümumilikdə, “Nar” dünyanın 117 ölkəsində abunəçilərinə keyfiyyətli rouminq xidmətləri təklif edir.