Korporativ Sosial Məsuliyyət və Sponsorluq
Korporativ Sosial Məsuliyyət və Sponsorluq
Sosial fəaliyyətimizlə insanlara həqiqi fayda verən perspektivli layihələr həyata keçirir, BMT Qlobal sazişinin bir üzvü kimi dayanıqlı inkişaf məqsədlərini əsas tutaraq cəmiyyətdə nəzərəçarpan və hərtərəfli dəyişikliklər yaradırıq.
Korporativ Sosial Məsuliyyət və sponsorluq strategiyamız
Fəaliyyət göstərdiyimiz cəmiyyətin ehtiyaclarını araşdırır və iqtisadi, sosial və ekoloji dayanıqlılıq arasında tarazlığı təmin etmək məqsədilə ölkə üçün mühüm əhəmiyyət kəsb edən sosial layihələrə müəlliflik edir, nəticəyönümlü, aktual, müsbət dəyişikliklərə gətirən layihələr həyata keçiririk. “Nar”ın uzunmüddətli KSM və sponsorluq layihələri üçün əsas istiqamətləri bunlardır:
- Təhsil və inkişaf
- Milli-mənəvi irs və vətənpərvərlik
- Fiziki məhdudiyyəti olan şəxslərin cəmiyyətə inteqrasiyası
Layihələrini “Nar” mobil operatoruna təqdim etmək istəyən təşkilatlar əlavə edilmiş faylı doldurmalı və onu [email protected] elektron ünvanına göndərməlidirlər.
Bu keçid vasitəsiylə sponsoru olduğumuz layihələrlə tanış ola bilərsiniz.
Sərfəli xidmətləri ilə yanaşı, sosial layihələrə də xüsusi önəm verən “Nar” Dövlət Peşə Agentliyi və “Sustainera Solutions” şirkətiylə birgə Peşə Təhsili üzrə Müəssisələrin müəllimləri üçün mobil rabitə avadanlıqlarına dair xüsusi təlim keçirib. İki gün davam edən bu təlim müəllimlərin müasir telekommunikasiya texnologiyaları barədə biliklərini artırmağa və bu sahədə praktiki bacarıqlar qazanmalarına imkan yaradıb.
“Nar”ın dəstəyi ilə keçirilən “Breyn Rinq” bilik yarışının 25-ci mövsümü başlayır. Yeni mövsümdə 13 region və 8 universiteti təmsil edən 24 komanda “Nar” kuboku uğrunda mübarizə aparacaq. Bu mövsümdə ilk dəfə olaraq Xankəndini təmsil edən Qarabağ Universiteti komandası da yarışda iştirak edəcək. Yarışı hər həftənin bazar günü saat 17:00-da İctimai Televiziyada izləmək mümkündür.
Ölkənin ən sərfəli mobil xidmətlərini təqdim edən “Nar” inklüziv cəmiyyətin inkişafına dəstək məqsədilə “Bütün Vücudlar Danışır” sosial-mədəni layihəsinin iştirakçıları ilə görüş keçirib. Mobil operatorun əməkdaşları layihənin iştirakçıları ilə görüş keçirib və onların rəqslərinə qoşularaq unikal inklüziv təcrübəni birlikdə paylaşıblar.
- Media ilə əlaqələr